Interview mit Zeynep Kankaya,
Torhüterin.
SP: Wie geht es dir??
ZK: Danke, s'gaht mer relativ guet. Bi zwar chli agschlage, willi viel muss schaffe und chrank bi dezue ane, aber ja bi hoffentli bald wieder fit ;)
SP: Wie hast du die Vorrunde erlebt?
ZK: Hmm ja d'Vorrundi, mal ehrlich, i hett niä denkt dass mer i 10 Spiel 30 Pünkt chönt hole. Doch siehe da ;) I mein i weiss dass mer guet sind, aber sone Leistig erforderet doch recht viel Kraft, Wille und minnere Meinig nah vorallem Teamgeist vonere Mannschaft. Mir hend gege Schluss vode Vorrundi öppe mal Müeh am Afang vode Spiel gha, aber das "sich zruggkämpfe", das hets bi eus eifach früehner nöd geh, oder zumindest nöd i dem Mass. S'isch uf jede Fall ä super Erfahrig gsi, immer als Sieger vom Platz chöne z'gah ;) Anderstume ischs au eifach mal ä Erkenntnis, dass wenn mer wennd, au vieles möglich isch. I denk sogar no vieles meh: Mädels, eifach dra glaube!!!
SP: Die Rote Karte!!! Was ist dir als erstes durch den Kopf geschossen als du Sie gesehen hast? und wie hast du Sie verdaut?
ZK: Also i bereus eigetli nöd, aber s'nöchst mal machis so wiä's mis Vorbild gmacht hetti. Andrea: "Wenn sie scho umhausch, denn so dass sie nüme ufstah cha." Nei Spass beiseite ;) Ich ha chli es Deja-vu gha, willi scho i de letzte Saison ä gäli Karte geg Fehraltorf kassiert ha. Diä Mannschaft liit mit irgendwiä eifach nöd, aber sött mi villicht au nid i öpis iä riitte. I ha eich genau gwüsst wo di ander am Bode gsi isch, dassi di Rot bechume. Ha ja au nid wele zum Schiri luege, doch dä het mi zwunge ;) Dur min Kopf isch i dem moment nur: "Nei nöd scho wieder!!!" Gedanke sind denn ersch ide Duschi cho. Frage wiä: Wieviel Mätch Sperrene bechumi? Isch d'Mannschaft hässig uf mich willi sie nur z'10te lah han? Hät sich diä Karte glohnt? Uf jede Fall bini ez de Meinig es het sich glohnt, i ha s'goal chöne verhindere und s'isch doch recht es knapps Spiel gsi ;)
SP: Was ist dein Wunsch für die Rückrunde?
ZK: I wünsch mer dass d'Rückrundi öpe glich verlauft wiä d'Vorrundi, nöd besser nöd schlechter. Bitz Müeh und Krampf ghört dezue, so machts ersch würkli Spass!!!
SP: Merci Zeynep :)
