Interview mit Meli Klapper, Captain und Innenverteidigerin.
SP: HEy Meli, wie geht es dir?
MK: Super merci!
SP: Wo siehst Du die Gründe für diese Super Vorrunde ?
MK: Aso als ersts findi s Team het super zeme gschaffed, s isch alle für einer und einer für alle gsi, mer het kampf und isatz zeiget.
Natürlich mueni au sege, mer sind immer super uf d Matches vorbereitet gsi.
De Thomas isch nid nur dusse ghöckled und het mal glueged was mer mached, sondern het wie eusi schwächen is nächst training ine gna. Und so hets nur schöne guet cho =)
SP: Kannst du etwas herausnehmen was dir besonders gut gefallen hat und auch etwas was nicht so gut war?
MK: Haha ja guet gfalle het mer vieles wie vorher scho atönt, de Teamgeist isch glaub besser den je, mer hend nie ufgeh, au wen mer halt mal nid gfüehrt hend, und s het wüki au jedi de wille gha das spiel z kehre!!!
Guet hani gfunde das sich die „neue“ und au d Juniorinne wo ufe cho sind super hend chöne integriere und wüki e Verstärkig sind für eus.
Was mer teilwies nid so gfalle het, isch gsi das mer ab und zue im Training z lasch sind, mit dem meini nid, dass es verbote isch ab und zue blöd z tue, aber eifach d Üebige ernster z neh und au s mätchle. Döte isch mer scho au ufgfalle das mer da nid so recht isatz git und die einte chli egotricklis probiered und das sött minere meinig na besser werde.
SP: Wie oft schaust du dir die Tabelle an? :)
MK: Jede Tag, ha sie im Büro gad nebe mir ufghänkt…
Isch eifach hammer =)
SP: Was sind deine erwartungen für die Rückrunde? an dich, an die Mannschaft?
MK: Was s Team betrifft erwarti ganz klar, dass mer döte chön aknüpfe wo mer ghört hend.
Mit dem meini nid, dass mer eus en riese Druck mached und meined mer müend wieder jede match gwünne, klar wers geil so id 1. Liga ufzstiege ohni Verlustpunkt, aber au wen mer eine verlüred oder zwei den gaht d Welt nid under. Wasi eifach nid wett isch das mer wieder so e Loch hend wie letzt Johr im März!!!
De Ufstieg mössted mer eifach schaffe hend z viel Abstand zum zweite zum das etz Wegwerfe!!!
Selber wetti mini Leistige verbessere, wieder sicherer werde hine.
Und au gege füre ev biz meh mitwürke. s Team au na meh understütze, und hoffe au das d Spielerinne wüssed dassi e Alaufstation bin für alles egal obs es Problem mit mir hend, mit andere usem Team Privat öpis oder was au immer, wens mer irgendwie möglich isch hilfi immer und allne!
SP: Danke Meli für das lässige Interview :)
